«Барселона» вингери Руни Барджи майдонда кўпроқ ўйнашга умид қилаётганини тан олди.

20 ёшли футболчи Каталония клубидаги дебют мавсумини ўтказмоқда — у ўтган йилнинг июль ойида Даниянинг «Копенгаген» клубидан сотиб олинган эди.

«Мен ўз ролимдан 100 фоиз қониққаним йўқ. Айниқса, ўйинлар тақвими зичлигини ҳисобга олсак, кўпроқ ўйин вақтига лойиқман деб ҳисоблайман. Лекин бу футбол. Бу ерда мендан анча олдин ўйнаб келаётган жамоадошларимни ҳурмат қиламан. Сабр-тоқатни сақлаяпман, чунки нималарга қодирлигимни биламан. Ўзимга тўлиқ ишонаман. «Барса»да ўйнаш доим менинг орзум бўлган», — дея BarcaTimes ёш шведнинг сўзларини келтиради.

Руни Барджи «кўк-анорранглилар» сафида 22 та учрашувда иштирок этиб, 2 та гол ва 4 та голли узатмани амалга оширди.