Инсайдер Фабрицио Романо «Манчестер Сити» ярим ҳимоячиси Родрининг Мадриднинг «Реал» клуби ҳақидаги баёнотига муносабат билдирди.
Испаниялик футболчи келажакда «қироллик клуби»га ўтишга мутлақо қарши эмаслигини тан олди.
«Яқин кунларда мен сизга Родри ва «Реал» ҳақида — музокаралар ва бошқа тафсилотлар борасида кўпроқ маълумот бераман. Флорентино Перес уни жуда қадрлайди ва жамоага испаниялик футболчиларни қўшишни истайди.
Бу Родри томонидан берилган муҳим баёнот. Унинг Винисиус ҳақидаги сўзлари ҳам жуда аҳамиятли», — деди Романо.
Родрининг «шаҳарликлар» билан шартномаси 2027 йилгача мўлжалланган, унинг трансфер қиймати эса Transfermarkt портали талқинига кўра 65 миллион еврони ташкил этади. Июнь ойида футболчи 30 ёшга тўлади.
