Ярим ҳимоячи Родри «Манчестер Сити»дан «Реал»га ўтиши мумкинлигига шаъма қилди. ОАВ анчадан бери хавбекни Мадрид суперклуби билан боғлаб келмоқда.
The Times нашрининг хабар беришича, Родрининг «Реал» ҳақидаги баёнотлари «Манчестер Сити» раҳбарияти учун кутилмаган ҳол бўлмади. Инглиз клубида доим Родри келажакда яна Испанияга қайтишни — ё «Атлетико»га қайтишни, ёки «Реал»га ўтишни исташини билишарди. «Олтин тўп» соҳиби ўз фаолиятини бир неча йил аввал режалаштириб қўйган.
2025/2026 йилги мавсумда Родри 28 та ўйинда майдонга тушиб, 2 та гол урди. Футболчининг «Манчестер Сити» билан шартномаси 2027 йилнинг ўрталаригача мўлжалланган. Июнь ойида Родри 30 ёшга тўлади.













