Матбуотда ҳужумчи Душан Влаховичнинг келажаги борасида янги маълумотлар пайдо бўлди. Transfer News Live нашрининг La Gazzetta dello Sport’га таяниб хабар беришича, «Ювентус» Влахович билан янги шартнома имзолашга яқин турибди.
Влаховичнинг «Ювентус» билан амалдаги меҳнат шартномаси атиги уч ойдан кейин — июнь ойи охирида якунига етади. Воқеалар ривожи 26 ёшли сербиялик футболчи Туриннинг топ-клубидаги фаолиятини давом эттиришига қараб бормоқда.
Душан Влахович 2022 йил январь ойи охирида «Фиорентина»дан «Ювентус»га ўтган эди. Ўшандан бери ҳужумчи 163 та расмий ўйинда майдонга тушиб, ўз ҳисобига 64 та гол ва 16 та голли узатмани ёздириб қўйди.
Ҳозирда «Ювентус» А Серия турнир жадвалида бешинчи ўринни эгаллаб турибди.
