Франция терма жамоаси АҚШдаги «Джилетт» стадионида бўлиб ўтган ўртоқлик учрашувида Бразилияни 2:1 ҳисобида мағлуб этди.

Ўйиннинг 32-дақиқасида ҳужумчи Килиан Мбаппе ҳисобни очди. Иккинчи бўлим бошида ҳимоячи Дайо Упамекано қизил карточка олиб майдондан четлатилгач, французлар бир киши кам бўлиб қолишди. Бироқ четлатишдан 10 дақиқа ўтиб, ҳужумчи Юго Экитике Франция терма жамоасининг устунлигини икки баробарга оширди. Учрашув якунида бразилиялик ҳимоячи Бремер ҳужумчи Луис Энрикенинг узатмасидан сўнг жавоб тўпини киритди.

Ўртоқлик учрашуви

Бразилия — Франция — 1:2 (0:1)

Голлар: Мбаппе, 32 — 0:1. Экитике, 65 — 0:2. Бремер, 78 — 1:2.

Четлатиш: Упамекано (Ф), 55.