Швеция терма жамоаси бош мураббийи Грэм Поттер ЖЧ–2026 саралашининг плей-офф босқичи ярим финалида Украина устидан қозонилган ғалабани (3:1) шарҳлади.
«Бу жамоа учун олдинга ташланган улкан қадам бўлди. Юқори даражадаги рақибга қарши кўрсатилган жамоавий руҳ шунчаки ақл бовар қилмас даражада эди. Биз бир тан-у бир жон бўлиб курашдик — бу ажойиб эди. Виктор Дьёкереш майдонда ҳақиқий маҳорат кўрсатди. Биз ушбу ажойиб муҳитга ва рақибга мослаша олдик. Ҳимоя ва ҳужум ўртасидаги мувозанатни жуда яхши топа билдик.
Энди сешанба кунги баҳсни ва ундаги фантастик муҳитни интизорлик билан кутамиз. Польша жуда қийин рақиб бўлади, биз уларнинг нақадар хавфли жамоа эканлигини биламиз. Диққатимизни ўз ўйинимизга қаратишимиз керак, бундай баҳсга лозим даражада тайёргарлик кўриш осон бўлмайди», — дея Поттернинг сўзларини келтиради УЕФА расмий сайти.
ЖЧ-2026 йўлланмаси учун шведлар сешанба куни, 31 мартда Польша терма жамоасига қарши майдонга тушадилар.
