Бразилия терма жамоаси бош мураббийи Карло Анчелотти мухлисларнинг Неймарни жамоага қайтариш ҳақидаги чақириқларига муносабат билдирди.
«Сантос»нинг 34 ёшли футболчиси «пентакампеонлар»нинг ўртоқлик учрашувлари учун қайдномасига киритилмаган эди. Пайшанба куни бразилияликлар Францияга имкониятни бой беришди (1:2) ва ўйин давомида мухлислар тушунарли сабабларга кўра Неймарнинг исмини ҳайқириб айтишди.
«Биз бор эътиборимизни шу ерда бўлган, бугун майдонга тушиб бор кучини берган, ўзини кўрсатган ва астойдил меҳнат қилганларга қаратишимиз керак. Мен улардан мамнунман», — дея жавоб берди Анчелотти ўйиндан кейинги интервьюсида.
Аввалроқ кўплаб собиқ футболчилар италиялик мутахассисни юлдуз ҳужумчининг тез-тез жароҳат олиши ва сўнгги йиллардаги ўйинида пасайиш кузатилаётганига қарамай, ундан воз кечмасликка чақиришган эди.
