«Бавария»нинг 21 ёшли ярим ҳимоячиси Александр Павлович «Манчестер Сити»нинг қизиқишлар доирасига тушди. Bayern Space аккаунти тарқатган маълумотларга кўра, инглиз гранди футболчи учун тахминан 110 миллион евро тўлашга тайёр бўлган.
Бироқ Павлович «Манчестер Сити»га ўтиш бўйича музокаралар олиб боришни истамади. У Мюнхендаги фаолиятини давом эттириш мақсадида инглизларнинг таклифини рад этди.
Transfermarkt портали ёш ярим ҳимоячини 75 миллион еврога баҳоламоқда. Футболчи ва «Бавария» ўртасидаги амалдаги шартнома 2029 йилнинг июнь ойи охирида якунига етади.
Бундеслиганинг жорий мавсумида хавбек 21 та учрашувда майдонга тушиб, 3 та гол урди ва битта голли узатмани амалга оширди.
