«Bavariya»ning 21 yoshli yarim himoyachisi Aleksandr Pavlovich «Manchester Siti»ning qiziqishlar doirasiga tushdi. Bayern Space akkaunti tarqatgan ma’lumotlarga ko‘ra, ingliz grandi futbolchi uchun taxminan 110 million yevro to‘lashga tayyor bo‘lgan.

Biroq Pavlovich «Manchester Siti»ga o‘tish bo‘yicha muzokaralar olib borishni istamadi. U Myunxendagi faoliyatini davom ettirish maqsadida inglizlarning taklifini rad etdi.

Transfermarkt portali yosh yarim himoyachini 75 million yevroga baholamoqda. Futbolchi va «Bavariya» o‘rtasidagi amaldagi shartnoma 2029 yilning iyun oyi oxirida yakuniga yetadi.

Bundesliganing joriy mavsumida xavbek 21 ta uchrashuvda maydonga tushib, 3 ta gol urdi va bitta golli uzatmani amalga oshirdi.