«Милан» Бельгиянинг «Генк» клуби ҳужумкор ярим ҳимоячиси Константинос Карецасга қизиқиш билдирмоқда. Бу ҳақда Tuttosport нашри хабар бермоқда.

Манбага кўра, «россонери» раҳбарияти 18 ёшли хавбекда таркибни ёшартириш ва кучайтиришга қодир бўлган истиқболли футболчини кўрмоқда.

Шу билан бирга, «Милан» учун Карецасни сотиб олиш осон бўлмаслиги қайд этилган. «Генк» ўз етакчисини 35 миллион евродан камига қўйиб юбормоқчи эмас. Вазиятни грециялик иқтидорга «Челси», «Арсенал» ва «Манчестер Юнайтед» каби грандлар томонидан бўлаётган эътибор янада мураккаблаштирмоқда.

Жорий мавсумда Карецас барча мусобақаларда 43 та ўйинда майдонга тушиб, 3 та гол урди ва 18 та голли узатмани амалга оширди.