«Milan» Belgiyaning «Genk» klubi hujumkor yarim himoyachisi Konstantinos Karesasga qiziqish bildirmoqda. Bu haqda Tuttosport nashri xabar bermoqda.

Manbaga ko‘ra, «rossoneri» rahbariyati 18 yoshli xavbekda tarkibni yoshartirish va kuchaytirishga qodir bo‘lgan istiqbolli futbolchini ko‘rmoqda.

Shu bilan birga, «Milan» uchun Karesasni sotib olish oson bo‘lmasligi qayd etilgan. «Genk» o‘z yetakchisini 35 million yevrodan kamiga qo‘yib yubormoqchi emas. Vaziyatni gresiyalik iqtidorga «Chelsi», «Arsenal» va «Manchester Yunayted» kabi grandlar tomonidan bo‘layotgan e’tibor yanada murakkablashtirmoqda.

Joriy mavsumda Karesas barcha musobaqalarda 43 ta o‘yinda maydonga tushib, 3 ta gol urdi va 18 ta golli uzatmani amalga oshirdi.