«Барселона» чап қанот ҳимояси учун янги номзодларни кўриб чиқмоқда. Diario Sport нашрининг хабар беришича, «кўк-анорранглилар»нинг шорт-листидан «Байер» аъзоси Алехандро Гримальдо, «Ювентус»дан Андреа Камбьясо ва «Ньюкасл» футболчиси Льюис Холл жой олган.
Бироқ, манбанинг аниқлик киритишича, чап қанот ҳимояси учун харид фақат Алехандро Бальде ёки Жерар Мартин жамоани тарк этган тақдирдагина амалга оширилади.
Гримальдо 15 миллион евро эвазига сотиб олиниши мумкин ва у «Барса»га қайтишга тайёр. Камбьясонинг трансфери эса тахминан 30 миллион еврога тушади. Льюис Холл Чемпионлар лигаси доирасида «Ньюкасл»га қарши кечган сўнгги учрашувларда каталонияликларда катта таассурот қолдирган, аммо «зағизғонлар» уни қўйиб юборишни истамаётгани сабабли англиялик футболчини қўлга киритиш қийин кечади.
