Франция терма жамоасининг собиқ ҳужумчиси Жан-Пьер Папен вингер Усмон Дембеленинг Бразилияга қарши яқинда бўлиб ўтган ўртоқлик учрашувидаги иштироки ҳақида гапирди. Ушбу баҳсда «учранглилар» 2:1 ҳисобида ғалаба қозонишган эди.
«Ҳозирда унинг учун асосий устуворлик — ўртоқлик ўйини эмас, балки Чемпионлар лигаси 1/4 финали доирасидаги «Ливерпуль» билан бўладиган тўқнашувдир. Бироқ, агар мен унинг ўрнида бўлиб, Мбаппе билан бирга ўйнаганимда, Килианга ҳозирда "Олтин тўп" айнан менда эканлигини кўрсатиб қўйган бўлардим», — дея афсонавий футболчининг сўзларини келтирмоқда RMC Sport.
Жорий мавсумда Дембеле 29 та учрашувда иштирок этди. Ҳужумкор ярим ҳимоячи ўз ҳисобига 12 та гол ва 8 та голли узатмани ёздириб қўйган.
