Бразилия терма жамоасининг ўртоқлик учрашувида жароҳат олган Рафинья Диас яқин орадаги ўйинларда «Барселона»га ёрдам бера олмайди.
29 ёшли футболчи Бразилия ва Франция ўртасидаги яқинда бўлиб ўтган баҳснинг танаффусида мажбурий равишда алмаштирилган эди. Муаммо жиддий бўлиб чиқди: юлдузли футболчи тизза ости пайлари жароҳати сабабли тахминан беш ҳафтани ўтказиб юборади. Sport нашрининг хабарига кўра, «Барселона»да юзага келган вазият туфайли ғазаб ва саросима ҳукм сурмоқда. Клуб вакилларининг фикрича, Бразилия томони ўртоқлик учрашуви учун Рафиньянинг соғлиғини хавф остига қўймаслиги керак эди.
«Барса» устози Ханс-Дитер Флик аввалроқ футболчиларнинг терма жамоаларда жароҳат олишидан норозилигини билдирган эди, энди эса мураббийлар штабининг ғазаби янада кучайди.
