«Барселона» ярим ҳимоячиси Марк Касадо ёзги трансфер ойнасида жамоасини ўзгартириши мумкин. Бу ҳақда Испания матбуоти хабар тарқатмоқда.

Маълумотларга кўра, футболчига Саудия Арабистонининг учта клуби даъвогарлик қилмоқда. Хусусан, «Ал-Аҳли», «Ан-Наср» ва «Ал-Ҳилол» Касадонинг хизматларига қизиқиш билдирмоқда. Ярим ҳимоячининг «кўк-анорранглилар» билан амалдаги шартномаси 2028 йилнинг ёзига қадар мўлжалланган.

Марк Касадо — «Барселона» академияси битирувчиси ҳисобланади. У каталонияликлар сафида жами 70 та учрашувда майдонга тушиб, ўз ҳисобига битта гол ва еттита голли узатмани ёздириб қўйган.