Италия терма жамоаси ҳимоячиси Федерико Димарко жамоадоши Франческо Пио Эспозито ҳақида ўз фикрларини билдирди. Димарко каби 20 ёшли ҳужумчи ҳам Миланнинг «Интер» клуби шарафини ҳимоя қилади.
«Пио — алоҳида фазилатларга эга йигит, у ўз ёшига нисбатан анча улғайган ва вазмин. Ундан хафа бўлиш қийин, чунки у машғулотларда ҳам, ўйинларда ҳам доимо 100 фоиз куч билан ҳаракат қилади. Унга кўп маслаҳат беришнинг ҳожати йўқ, чунки унга ортиқча босим ўтказишдан маъно йўқ», — дея Димарконинг сўзларини журналист Жанлука Ди Марцио сайти келтирмоқда.
31 март куни Италия терма жамоаси Жаҳон чемпионатига чиқиш учун ҳал қилувчи баҳсда Босния ва Герцеговина билан тўқнаш келади. Учрашув Тошкент вақти билан тунги соат 00:45 да бошланади.
