Italiya terma jamoasi himoyachisi Federiko Dimarko jamoadoshi Franchesko Pio Espozito haqida o‘z fikrlarini bildirdi. Dimarko kabi 20 yoshli hujumchi ham Milanning «Inter» klubi sharafini himoya qiladi.

«Pio — alohida fazilatlarga ega yigit, u o‘z yoshiga nisbatan ancha ulg‘aygan va vazmin. Undan xafa bo‘lish qiyin, chunki u mashg‘ulotlarda ham, o‘yinlarda ham doimo 100 foiz kuch bilan harakat qiladi. Unga ko‘p maslahat berishning hojati yo‘q, chunki unga ortiqcha bosim o‘tkazishdan ma’no yo‘q», — deya Dimarkoning so‘zlarini jurnalist Janluka Di Marsio sayti keltirmoqda.

31 mart kuni Italiya terma jamoasi Jahon chempionatiga chiqish uchun hal qiluvchi bahsda Bosniya va Gersegovina bilan to‘qnash keladi. Uchrashuv Toshkent vaqti bilan tungi soat 00:45 da boshlanadi.