Қишда «Барселона» Жоау Канселуни Саудиянинг «Ал-Ҳилол» клубидан мавсум якунига қадар ижарага олган эди.
Маълум бўлишича, каталонияликлар португалиялик футболчининг ўйинидан мамнун ва ижара шартномаси муддати тугаганидан кейин ҳам уни жамоада сақлаб қолмоқчи. Инсайдер Фабрицио Романонинг маълумотига кўра, ўйинчининг ўзи ҳам «Барса»да қолишни истайди. Клуб латераль билан доимий асосда шартнома имзолаш вариантларини агент Жорже Мендеш билан биргаликда кўриб чиқишда давом этмоқда.
Жоау Канселу Ханс-Дитер Флик жамоаси сафида ўтказган 12 та учрашувда битта гол ва тўртта голли узатма муаллифига айланди. Май ойида ҳар икки қанотда ҳам ўйнашга қодир бўлган ҳимоячи 32 ёшга тўлади.
