«Барселона» президенти Жоан Лапорта Мадриднинг «Реал» клуби раҳбари Флорентино Перес билан охирги марта қачон гаплашгани ҳақидаги саволга жавоб берди.
«Анча олдин. Улар «Негрейра иши»да пайдо бўлганларидан кейин муносабатларимиз ёмонлашди. Биз аниқ мақсад йўқлиги сабабли Суперлигани тарк этишга қарор қилдик: лойиҳа шаклланмаётган эди ва биз бу ҳақда уларга айтгандик. Бундан ташқари, УЕФА Европада футбол барқарорлигини ошириш бўйича чоралар кўраётган эди», — дея Лапортанинг сўзларини келтиради Barça Universal.
Испания Ла Лигасининг 29 туридан сўнг «Барселона» 73 очко билан турнир жадвалида пешқадамлик қилмоқда. Иккинчи ўринда бораётган «Реал» билан фарқ тўрт очкони ташкил этади.
