Мавсум якунида «Ливерпуль»ни тарк этадиган ҳужумчи Муҳаммад Салоҳ Европада қолиш вариантини кўриб чиқмоқда. Бу ҳақда Football Insider хабар бермоқда.
Манбага кўра, унга мос маошни таъминлай оладиган клублар сони кўп эмас. Бироқ Мадриднинг «Реал», «ПСЖ» ва «Бавария» клублари буни уддалай олади. Шунингдек, ушбу жамоалар келаси ёзда мисрлик вингерни эркин агент сифатида қўшиб олиш имкониятини ҳам кўриб чиқмоқда.
Шу билан бирга таъкидланишича, «Реал», «ПСЖ» ва «Бавария» 33 ёшли футболчини трансфер қилиш учун ортиқча ҳаракат қилмайди. Ҳозирги ҳолатда эса «барча белгилар Салоҳнинг Саудия Про-лигасига ўтишини кўрсатмоқда».













