Франция миллий терма жамоаси бош мураббийи Дидье Дешам бўлажак ЖЧ-2026 учун «уч ранглилар»нинг якуний қайдномасини қачон эълон қилиши ҳақида фикр билдирди.
«Жуда кўп футболчилар мундиалга боришни истамоқда. «Ланс» ва «ПСЖ» ўртасидаги учрашув қолдирилгани сабабли, Франция терма жамоасининг якуний қайдномаси 14 май оқшомига қадар маълум бўлади. Ҳозирда менда ҳар бир позиция учун бир нечта вариантлар бор, лекин ҳаммани рўйхатга кирита олмайман», — дея мутахассиснинг сўзларини келтиради RMC Sport.
Эслатиб ўтамиз, ЖЧ-2026 шу ёзда АҚШ, Канада ва Мексикада бўлиб ўтади. Амалдаги чемпион Аргентина терма жамоаси ҳисобланади.













