Англия терма жамоаси бош мураббийи Томас Тухель «Манчестер Юнайтед» марказий ҳимоячиси Гарри Магуайрнинг жамоадаги ҳолати ҳақида фикр билдирди.
33 ёшли футболчи Уругвайга қарши яқинда бўлиб ўтган ўртоқлик учрашувида (1:1) тўлиқ ўйнади, бироқ германиялик мутахассиснинг тан олишича, у бошқа марказий ҳимоячиларни юқорироқ баҳоламоқда.
«Магуайр ҳақидаги фикрим ўзгармади, лекин мен асосий таркибда туширишни истаган бошқа футболчиларни, бошқача профилдаги ўйинчиларни кўряпман. Эзри Конса ва Марк Гехи мен учун асосий таркибга яқинроқ эканлиги сир эмас. Шунингдек, Трево Чалоба ҳаракатчанлик борасида ундан бироз олдинда деб ҳисоблайман», — дея журналист Дом Смит Тухелнинг сўзларини келтиради.
31 март куни инглизлар иккинчи ўртоқлик учрашувини Японияга қарши ўтказишади.
