Босниялик футболчи Миралем Пьянич авваллари Италиянинг «Рома» ва Туриннинг «Ювентус» каби клубларида тўп сурган. У Италия футболини юқори баҳолайди ва «Скуадра Адзурра»нинг Жаҳон чемпионати финал босқичига тўғридан-тўғри йўлланма ололмаганидан афсусда эканлигини билдирди.
«Мен Италия терма жамоасини Европадаги энг кучлилардан бири деб ҳисоблайман. Шунчаки, ҳозирда жуда кучли ва ўз спорт формасининг авжида бўлган норвегияликлар билан бир гуруҳдан жой олишда уларнинг омади келмади. Кучли босим Италияга қарши ишлаб кетиши мумкин — мухлислар кетма-кет учинчи бор Жаҳон чемпионати ўтказиб юборилишига тоқат қила олмайдилар», — дея Пьяничнинг сўзларини Италиянинг La Gazzetta Dello Sport нашри келтиради.
Эслатиб ўтамиз, Италия терма жамоаси Жаҳон чемпионати финал босқичига чиқиш ҳуқуқи учун айнан Босния терма жамоасига қарши баҳс олиб бориши керак.
