Италия чемпионатида «Рома» ва «Ювентус» каби клублар шарафини ҳимоя қилган босниялик ярим ҳимоячи Миралем Пьянич собиқ жамоаларини огоҳлантирди — келаси мавсум учун Чемпионлар Лигаси йўлланмаси уларнинг ҳеч бирига кафолатланмаган.
«Мен бунга амин эмасман. Ҳозирда «Комо» жуда кучли кўринмоқда. Аммо «Рома» учун ҳам, «Ювентус» учун ҳам Чемпионлар Лигасида иштирок этиш жуда муҳим. Бугунги футболда бу ўта муҳим аҳамиятга эга», — дея футболчининг сўзларини Италиянинг La Gazzetta Dello Sport нашри келтиради.
Эслатиб ўтамиз, Италия шарафини келаси мавсум Чемпионлар Лигасига тўртта клуб ҳимоя қилади, айни дамда «Интер», «Наполи» ва «Милан» бошқа таъқибчилардан сезиларли даражада олдинга ўтиб кетган.
