«Интер» мухлислари учун хушхабар. Жамоа сардори Лаутаро Мартинес жароҳатидан тикланди ва Италия чемпионатининг навбатдаги тури доирасидаги «Рома»га қарши ўйинда асосий таркибда майдонга тушишга тайёр. Бу ҳақда La Gazzetta dello Sport нашри хабар бермоқда.
Лаутаро Мартинес охирги марта 18 февраль куни Чемпионлар Лигасининг ўтиш босқичи доирасида «Будё-Глимт»га қарши кечган биринчи ўйинда «Интер» сафида майдонга тушган эди.
Ҳозирда «Интер» Италия чемпионати турнир жадвалида пешқадамлик қилмоқда. Иккинчи ўриндаги «Милан» ўз қўшниларидан олти очко орқада қолмоқда.
А Сериянинг «Рома»га қарши ўйинини «Интер» якшанба куни, 5 апрель санасида ўтказади. Учрашув Тошкент вақти билан соат 23:45 да бошланиши белгиланган.
