«Барселона» футболчиси Жоау Канселу Португалия терма жамоасининг бўлажак Жаҳон чемпионатидаги истиқболлари ҳақида ўз фикрлари билан ўртоқлашди.
31 ёшли қанот ҳимоячиси Португалия миллий жамоаси таркибидаги ижрочиларнинг юқори даражада эканлигини алоҳида таъкидлаб ўтди.
«Бундай футболчилар таркиби билан Португалия бўлажак Жаҳон чемпионатининг асосий фаворитлари қаторида бўлиши шарт», — деди Канселу.
Роберто Мартинес шогирдлари гуруҳ босқичида Ўзбекистон ва Колумбия терма жамоалари билан тўқнаш келадилар, яна бир рақиб эса ўтиш ўйинлари (плей-офф) натижаларига кўра аниқланади.
Эслатиб ўтамиз, ЖЧ-2026 турнири 11 июндан 19 июлга қадар АҚШ, Канада ва Мексика майдонларида бўлиб ўтади.
