Терма жамоалар иштирокидаги ўйинлар ўтказиладиган халқаро танаффусдан сўнг “Арсенал” клубининг 11 нафар футболчиси жароҳат билан қайтган. Бу ҳақда Daily Mail нашри хабар берди.

Нашр маълумотига кўра, Испания терма жамоаси ярим ҳимоячиси Мартин Субименди миллий жамоа сафида жароҳат олган. Шунингдек, Букайо Сака, Деклан Райс ва Нони Мадуэке ҳам клуб ихтиёрига жароҳат билан қайтган. Улардан ташқари Вильям Салиба, Габриэль Магаляэш, Леандро Троссард, Эберечи Эзе, Мартин Эдегор, Юрриен Тимбер ва Пьеро Инкапе каби футболчиларда ҳам саломатлик билан боғлиқ муаммолар мавжуд.

Айни дамда “Арсенал” Англия Премьер Лигаси турнир жадвалида биринчи ўринни эгаллаб турибди. Жамоа ҳисобида 70 очко мавжуд. “Тўпчилар”, шунингдек, Англия Кубоги ва УЕФА Чемпионлар Лигасида ҳам иштирокини давом эттирмоқда.

Аввалроқ Лондон клуби ёзги трансфер ойнаси вақтида “ПСЖ” ҳужумчиси Хвича Кварацхелияни ўз сафига қўшиб олиши мумкинлиги хабар қилинган эди.