Мюнхеннинг «Бавария» клуби кузатув кенгаши аъзоси Карл-Хайнц Румменигге жамоанинг ҳужумкор ярим ҳимоячиси Майкл Олисенинг эҳтимолий трансфери ҳақида ўз фикрларини билдирди.

«Клубда Олисе ҳақидаги миш-мишларни табассум билан қабул қилишмоқда. Бу шунчаки медиа цирки. Майклнинг амалдаги шартномаси бўйича яна уч йили бор. Бошқа айтадиган гапим йўқ. Айнан мана шундай футболчилар учун стадионлардаги трибуналар тўлдирилади», — дея AS нашри Руммениггенинг сўзларини келтиради.

Жорий мавсумда франциялик вингер Германия гранди сафида 38 та учрашувда майдонга тушди. Олисе ўз ҳисобига 16 та гол ва 25 та голли узатмани ёздириб қўйишга муваффақ бўлди.

Transfermarkt портали футболчининг бозор қийматини 140 миллион еврога баҳоламоқда.