Аргентина терма жамоаси бош мураббийи Лионель Скалони ҳужумчи Лионель Месси 1 апрель куни бўлиб ўтадиган Замбияга қарши ўртоқлик учрашувида иштирок этишини маълум қилди.
Охирги ўртоқлик учрашувида Аргентина Мавританияни 2:1 ҳисобида мағлуб этган эди. Ушбу ўйинда Месси майдонга иккинчи бўлимда туширилган. Ғалабага қарамай, жамоа ўйинчилари ўз жамоасининг ўйин сифатида қониқиш ҳосил қилишмади.
«Ўйин муваффақиятсиз бўлганини тушуниб етганлари — яхши белги. Ўтган сафар биз жамоа бўла олмадик. Яхши ўйиндан ташқари, улар ақлли ва буни англаб етишди. Бу биз қаерда турганимизни баҳолаш учун яхши имконият. Умид қиламанки, бу фақат битта ўйин бўлиб қолади», — деди Скалони ESPN нашрига.
2026 йилги Жаҳон чемпионатида Аргентина терма жамоаси J гуруҳида Жазоир, Австрия ва Иордания термаларига қарши баҳс олиб боради.













