Кейсуке Хондани ҳарид қилиш имконияти бўлмаган тақдирда "Милан" "Лос Анжелес Гэлакси" клуби яримҳимоячиси Лондон Донованни ўз сафига чорлаши мумкин. Бу ҳақда Football Italia хабар тарқатган.
31 ёшли америкалик футболчи вариантини "россонерлар" В режа" сифатида кўриб чиқишмоқда.
Айтиш жоизки, Италия клуби ўтган йили Дэвид Бекхамнинг ижарасига келишиб олишганидан сўнг "Гэлакси" билан илиқ муносабатлар ўрнатган.
Шу тариқа, Донован ўз фаолиятидаги тўртинчи Европа клубида ўйнаши мумкин. Бунгача у "Байер", "Бавария" ва "Эвертон" клубларида тўп сурган.
Қўшимча қилиш ўринлики, миланликлар "Аякс" яримҳимоячиси Кристиан Эриксенга ҳам қизиқмоқдалар.