FIDE томонидан ташкил этилган шахмат бўйича 2026 йилги Жаҳон чемпионлиги учун йўлланма берувчи талабгорлар мусобақасида бугун 2-тур баҳслари бўлиб ўтди.

Кеча ғалаба қозонган Жавоҳир Синдаров бугун Маттиас Блюбаумга қарши оқ доналарда ўйнади. Томонлар бутун баҳс давомида тенг ўйин намойиш этишди ва 42-юришдан кейин дурангга имзо чекишди.

Бугунги натижадан кейин Синдаров 1,5 очко билан 2-ўринни эгаллаб турибди. Фабиано Каруана ва Прагнанандҳа Рамешбабу ҳисобида 1,5 очко мавжуд.

2-турда қуйидаги натижалар қайд этилди:

Рамешбабу Прагнанандҳа - Вей Йи - 0,5:0,5
Жавоҳир Синдаров - Маттиас Блюбаум - 0,5:0,5
Фабиано Каруана - - Аниш Гири - 0,5:0,5
Андрей Есипенко - Хикару Накамура - 0,5:0,5