«Ливерпуль»нинг швециялик ҳужумчиси Александер Исак Чемпионлар Лигаси чорак финали доирасида «ПСЖ»га қарши кечадиган илк учрашувдаёқ майдонга тушиши мумкин. Бу ҳақда The Touchline нашри хабар бермоқда.

Манбанинг маълумотларига кўра, швециялик футболчи оғир жароҳат — болдир суяги синишидан сўнг деярли тўлиқ тикланиб бўлган. Эслатиб ўтамиз, у ушбу жароҳатни «Тоттенхэм» дарвозасига гол ураётган вазиятда (2:1) орттириб олган эди.

Исак 2025 йилнинг ёзида «Ньюкасл»дан ўтганидан сўнг «Ливерпуль» аъзосига айланган эди. «Қизиллар» ушбу футболчи учун «қарғалар»га 145 миллион евро тўлашган. Ҳужумчи жорий мавсумда ҳозирча 16 та ўйинда иштирок этиб, ўз ҳисобига учта гол ва битта голли узатмани ёздириб қўйди.

«ПСЖ» ва «Ливерпуль» ўртасидаги биринчи учрашув 8 апрель куни Париждаги «Парк де Пренс» аренасида бўлиб ўтади.