«Наполи» ҳужумкор ярим ҳимоячиси Кевин Де Брюйне ўз спорт формаси ва Бельгия терма жамоасидаги иштироки ҳақидаги фикрлари билан ўртоқлашди.
«Аста-секин спорт формамни тиклаб боряпман, аллақачон майдонда кутилганидан кўпроқ вақт ўтказишга улгурдим. Жамоа билан қарийб тўрт ҳафтадан бери машғулот ўтказяпман ва ўзимни яхши ҳис қиляпман. Ушбу йиғин давомида 90 дақиқалик иккита тўлиқ ўйинда қатнаша олсам керак, деб ўйламайман, лекин ҳозирча бунга зарурат ҳам йўқ.
Жаҳон чемпионатидан кейин терма жамоадаги фаолиятимни якунлаш ниятим йўқ: модомики ўзимни яхши ҳис қилар эканман — ўйнашда давом этаман», — дея таъкидлади Де Брюйне. Унинг сўзларидан Tribal Football иқтибос келтирмоқда.
Эслатиб ўтамиз, Бельгия терма жамоаси бўлажак Жаҳон чемпионатида Миср, Эрон ва Янги Зеландия билан бир гуруҳдан жой олган.
