«Манчестер Сити» ва Норвегия терма жамоаси ҳужумчиси Эрлинг Холанд ноёб Maybach Virgil Abloh автомобилининг эгасига айланди.
The Sun нашрининг маълумотларига кўра, харид нархи 400 минг фунт стерлингни (қарийб 460 минг евро) ташкил этган. Ушбу автомобилнинг ўзига хослиги шундаки, ундан дунё бўйлаб атиги 150 дона ишлаб чиқарилган бўлиб, унинг дизайни Louis Vuitton мода уйининг марҳум бадиий раҳбари томонидан ишлаб чиқилган.
Холанд учун бу каби харидлар ғайритабиий ҳол эмас. Бундан аввал у отаси билан биргаликда Норвегия шаҳарларидан биридаги кутубхонага қиймати 130 минг доллардан ортиқ бўлган нодир тарихий китобни совға қилган эди. Хабарларга кўра, Холанд «Манчестер Сити»да йилига тахминан 31,5 миллион евро маош олади, бу эса уни Европанинг энг кўп ҳақ тўланувчи футболчиларидан бирига айлантиради.
