"Барселона" ярим ҳимоячиси Фермин Лопес нима сабабдан голларини айнан шу услубда нишонлай бошлагани ҳақидаги саволга жавоб берди. Эслатиб ўтамиз, футболчи гол урганидан сўнг, қўлини бошига қўйиб (ҳарбийча салом беришдек) нишонлайди.

"Менинг гол нишонлашим дўстимнинг ҳазилидан бошланган. У мени қўриқчига ўхшатишини айтган ва агар гол урсам, шундай қилишни маслаҳат берганди. Бир сафар шундай қилдим ва бу менинг доимий гол нишонлаш услубимга айланиб қолди", — дея Лопеснинг сўзларини келтиради Barça Universal.

Жорий мавсумда 22 ёшли Лопес барча мусобақаларда 39 та ўйинда иштирок этиб, 12 та гол урди ва 16 та голли узатмани ўз ҳисобига ёздириб қўйди. Transfermarkt портали маълумотларига кўра, Фермин Лопеснинг бозор қиймати ҳозирда 100 миллион еврони ташкил этмоқда.