"Ливерпуль" ҳимоячиси Ибраима Конате жамоадаги қайта қуриш жараёни ва жорий натижалар ҳақида ўз фикрлари билан ўртоқлашди.

"Биз таркибга янги футболчиларни жалб қиляпмиз, мослашяпмиз ва бир-биримизни тушунишга ҳаракат қиляпмиз. Вақти келиб, албатта соврин ютамиз. Биз муваффақиятга эришамиз ва қачонки Премьер-лига ёки Чемпионлар лигасида ғолиб чиқсак, одамлар бизнинг барча омадсиз мавсумларимизни унутади", — дея таъкидлади Конате ESPN нашрига.

Футболчининг қайд этишича, "Ливерпуль"нинг ажойиб мухлислари бор ва ҳозирги пайтда ҳамма жамоа атрофида бирлашиши керак.