"Атлетико"нинг испаниялик универсал футболчиси Маркос Льоренте клубдаги келажаги борасида ўз позициясини аниқлаб олди. Бу ҳақда инсайдер Фабрицио Романо хабар бермоқда.
Футболчи Мадрид жамоасида қолишни истамоқда. Қайд этиш жоизки, айни дамда унга АПЛ клублари томонидан қизиқиш билдирилмоқда.
Жорий мавсумда Маркос Льоренте "Атлетико" сафида 40 та ўйинда майдонга тушди. Ушбу баҳсларда ярим ҳимоячи 4 та гол урди ва 5 та голли узатмани амалга оширди. Transfermarkt портали футболчининг қийматини 22 миллион еврога баҳоламоқда.
