"Реал"нинг собиқ ярим ҳимоячиси Гути ўз вақтида "Милан"га ўтишдан қандай бош тортгани ҳақида гапириб берди.
"Милан" менга "Реал"да топганимдан кўра кўпроқ пул таклиф қилганди, лекин мени пул руҳлантирмасди. Мен бошқа клубда 90 дақиқа ўйнагандан кўра, "Реал"да 30 дақиқа майдонга тушишни афзал кўрганман", — дея Гутининг сўзларини келтиради Madrid Xtra.
Гути "Реал" тарбияланувчиси ҳисобланади. У "қаймоқранглилар" сафида 1996 йилдан 2010 йилгача тўп тепган. Ярим ҳимоячи мадридликлар сафида жами 542 та ўйин ўтказиб, 77 та гол урган ва 96 та голли узатмани амалга оширган.
"Реал" таркибида Гути беш марта Испания чемпиони, тўрт марта Испания Суперкубоги, уч марта Чемпионлар лигаси, икки марта Қитъалараро кубок ва бир марта УЕФА Суперкубоги соҳибига айланган.
