"Галатасарой" ҳужумчиси Николо Дзаньоло, айни дамда ижара асосида "Удинезе"да тўп сураётган бўлса-да, "Милан" клубининг қизиқишлари доирасига кирди. Бу ҳақда Tuttosport нашри хабар бермоқда.
Манбанинг маълумотларига кўра, "Удинезе" мавсум якунида футболчининг трансфер ҳуқуқини тўлиқ сотиб олмоқчи. Бироқ, "россонери" ҳам ўйинчини ўз сафига қўшиб олишни режалаштирмоқда. "Милан" бош мураббийи Массимилиано Аллегри ушбу трансферга шахсан қизиқиш билдирмоқда.
Жорий клуб мавсумида Николо Дзаньоло 32 та ўйинда майдонга тушиб, 6 та гол урди ва 6 та голли узатмани амалга оширди. Transfermarkt портали маълумотларига кўра, футболчининг ҳозирги бозор қиймати 13 миллион еврони ташкил қилади. Аввалроқ ҳужумчи "Аталанта", "Рома" ва бир қатор бошқа жамоаларда ҳам ўйнаган.
