"Манчестер Юнайтед" посбони Сенне Ламменс жамоа бош мураббийи Майкл Кэррик билан ишлаш ҳақида ўз фикрларини билдирди.
"Кэррикнинг ҳамма нарсани жуда аниқ тушунтириб бериш ва моҳиятни етказиш қобилияти — биринчи бўлиб кўзга ташланган жиҳат бўлди. У биз учун катта қийинчиликлар туғдирмади ва чалкаштириб юбормади. Баъзан мураббийлар ҳаддан ташқари мураккаб схемаларни ўйлаб топишади, ўшанда айрим футболчилар ўйинга киришиб кетолмайди, ҳамма учун бир хил даражага чиқиш қийин бўлади.
Биринчи ўйиндаёқ у нима хоҳлаётгани тушунарли эди. Мураббий олдимизга энг мураккаб вазифаларни қўймади, лекин шу билан бирга ўйинчиларга ўз кучли томонларини кўрсатиш имкониятини берди. Ҳимояда гол ўтказиб юбормаслик жуда муҳим, ҳужумдаги ўйинчиларимиз эса фарқни юзага келтира олишади. Эҳтимол, айнан мана шу усул энг яхши натижа бермоқда", — дея Ламменснинг сўзларини келтиради The Athletic.
44 ёшли мутахассис 2026 йил 13 январда 2025/2026 йилги мавсум якунига қадар "Манчестер Юнайтед"га вақтинчалик бош мураббий этиб тайинланган эди.
АПЛнинг 31 туридан сўнг "Манчестер Юнайтед" 55 очко жамғарган ҳолда турнир жадвалида учинчи ўринда бормоқда.
