Бразилия терма жамоасининг собиқ ҳужумчиси Алешандре Пато фаолиятининг илк босқичида жаҳон чемпиони Роналдо билан қиёсланиши, шунингдек, ўзини тўлиқ кўрсатишига халақит берган жароҳатлар ҳақида гапириб берди.

"Агар болалигингизда Бразилияда яшасангиз ва футболда бирор ажойиб иш қилсангиз, одамлар сизга янги Пеле ёки Роналдо эканингизни айтишади. Мен "Милан"га ўтганимда ҳам шундай дейишганди: "Оҳ, бу худди янги Роналдо-ку!" Лекин мен ҳеч қачон ўзимни бундай ҳис қилмаганман. Мен шунчаки футбол ўйнашни яхши кўрганим учун машқ қилардим. Дунёнинг энг зўр усталари йиғилган жамоада тўп сурардим.

Жароҳатлар — футболчилик фаолиятининг энг оғир жиҳатларидан биридир. Одамлар фақат ўйинларни кўришади, лекин жароҳатдан тикланаётган футболчиларнинг узун рўйхатига эътибор беришмайди. Бундай вазиятда сен фақат майдонга қайтишни хоҳлайсан. Биринчи, иккинчи, учинчи жароҳатларимдан кейин бир-иккита ўйинда қатнашардим ва яна шикастланардим", — дея Патонинг сўзларини келтиради The Athletic.