Италия терма жамоаси бош мураббийи Женнаро Гаттузо Жаҳон чемпионати — 2026 саралашининг плей-офф босқичида Босния ва Герцеговинадан қабул қилинган мағлубият (1:1, пенальтилар сериясида — 1:4) ҳақида ўз фикрларини билдирди.
«Италия терма жамоаси бундай натижага лойиқ эмас эди. Биз катта иштиёқ билан ўйнадик, 40-дақиқадан бошлаб бир киши кам бўлиб курашдик... Жуда маҳзунмиз, лекин футбол шунақа. Мен ўз жамоам билан фахрланаман. Бироқ ҳозир бизга жуда азобли», — дея инсайдер Фабрицио Романо ўзининг X ижтимоий тармоғидаги саҳифасида Гаттузонинг сўзларини келтирди.
Эслатиб ўтамиз, Италия терма жамоаси кетма-кет учинчи бор Жаҳон чемпионатини ўтказиб юборади. Итальянлар иштирок этган энг сўнгги дунё биринчилиги ЖЧ-2014 бўлиб қолмоқда.
