«Манчестер Юнайтед» клуби «Кристал Пэлас» ярим ҳимоячиси Адам Уортон трансферидан воз кечиши мумкин.

22 ёшли футболчи «қизил иблислар»нинг мақсадларидан бири сифатида тилга олинаётган эди, бироқ трансфер амалга ошиш эҳтимоли у қадар юқори эмас. Daily Mail нашри берган маълумотларга кўра, «МЮ» раҳбарияти «бургутлар» хавбеки ўйин услуби жиҳатидан Кобби Майнуга жуда ўхшаш деб ҳисобламоқда, шу сабабли уларни бир вақтнинг ўзида майдонга тушириш қийин бўлади. Манкунианликлар Эллиот Андерсон («Ноттингем Форест») ва Сандро Тонали («Ньюкасл») номзодларини афзал кўришмоқда.

Transfermarkt портали талқинига кўра, Адам Уортоннинг нархи 60 миллион еврони ташкил этади. Ёш инглиз футболчисининг «Кристал Пэлас» билан амалдаги шартномаси 2029 йилгача мўлжалланган.