«Барселона» дарвозабони Жоан Гарсия Испания терма жамоаси сафидаги дебютидан сўнг интервью берди.

24 ёшли футболчи «қизил фурия» либосидаги илк ўйинини ўтказди — у Мисрга қарши кечган ўртоқлик учрашувининг (0:0) иккинчи бўлимида Давид Райяни алмаштирди. Бундан аввалги Сербияга қарши баҳсда (3:0) испанияликлар дарвозасини Унай Симон қўриқлаган эди.

«Симон ва терма жамоанинг бошқа барча дарвозабонлари билан муносабатларим аъло даражада. Агар мени Жаҳон чемпионатига чақиришса, бундан жуда хурсанд бўламан, лекин ҳозир яна бор эътиборимни "Барселона"га қаратишим лозим», — деди Жоан Гарсия ўз интервьюсида.

Эслатиб ўтамиз, аввалроқ Испания терма жамоаси бош мураббийи Луис де ла Фуэнте Унай Симонни ўз жамоасининг «биринчи рақамли» дарвозабони деб ҳисоблашини очиқ тан олган эди.