"Челси" ва "Ливерпуль" клублари "Монако"нинг 22 ёшли ярим ҳимоячиси Ламин Камарани кузатиб боришмоқда. Бу ҳақда Caught Offside нашри хабар бермоқда.

Манбанинг маълумотига кўра, монегасклар футболчини сотиш вариантини кўриб чиқишга тайёр, бироқ уни камида 65-75 миллион еврога баҳолашмоқда. Камаранинг шартномасида товон пули ҳақида банд йўқ. Шу билан бирга, "Монако" ўйинчини тезроқ сотишга интилмаяпти, чунки унинг қиймати янада ошиши мумкин деб ҳисоблайди.

Аввалроқ TEAMtalk портали сенегаллик футболчига "Манчестер Юнайтед" томонидан қизиқиш борлиги ҳақида хабар берган эди.

Жорий мавсумда Камара барча мусобақаларда 25 та ўйинда майдонга тушиб, 4 та голли узатмани амалга оширди. Футболчининг клуб билан амалдаги шартномаси 2029 йил ёзига қадар мўлжалланган. Transfermarkt портали маълумотларига кўра, унинг бозор қиймати 35 миллион еврони ташкил этади.