Италия терма жамоаси ЖЧ–2026 га чиқа олмади. «Скуадра адзурра» кетма-кет учинчи мундиални ўтказиб юборадиган бўлди. Ушбу мавзуда машҳур италиялик мураббий Фабио Капелло ўз фикрини билдирди.
«Тун бўйи ухлай олмадим. Содир бўлган воқеага ҳалигача ишона олмаяпман. Гап тўрт карра жаҳон чемпионлари ҳақида кетмоқда — бу спорт фожиаси, бу шармандалик. Бу Италия футболининг замонавий тарихида юз берган энг ёмон воқеалардан биридир», — дея Капеллонинг сўзларини келтирмоқда Marca нашри.
Италия терма жамоаси охирги марта 2014 йилги жаҳон чемпионатида иштирок этган эди. Ўшанда «скуадра адзурра» учта ўйинда уч очко жамғариб, гуруҳ босқичидан ўта олмаган.
