«Барселона» ҳужумчи Маркус Рэшфордни «Манчестер Юнайтед»дан аввал келишилган нархда сотиб олмасликка қарор қилди.

Ўтган ёзда каталонияликлар инглиз футболчисини «Юнайтед»дан 30 миллион евро эвазига сотиб олиш ҳуқуқи билан ижарага олган эдилар. SER Catalunya журналисти Нил Соланинг таъкидлашича, сотиб олиш опциясининг амал қилиш муддати март ойида тугаган ва «кўк-анорранглилар» ундан фойдаланишмаган.

Энди «Барселона» 28 ёшли ҳужумчининг сотиб олиш суммасини пасайтириш ёки уни яна бир мавсумга ижарага олиш бўйича «МЮ» билан янги музокаралар ўтказмоқчи, бироқ буни амалга ошириш анча қийин бўлади.

Хабар қилинишича, ҳозирда томонларнинг келишувга эришишидан кўра, клуб ва футболчи ўртасидаги ҳамкорлик тўхтатилиши эҳтимоли юқорироқ бўлиб турибди.

Рэшфорд Ла Лиганинг жорий мавсумида 24 та ўйинда майдонга тушиб, 4 та гол урди ва 6 та голли узатмани амалга оширди.