Бош мураббий Женнаро Гаттузо ва координатор Жанлуиджи Буффон Италия терма жамоаси Жаҳон чемпионатига чиқа олмаганидан сўнг ўз фаолиятини давом эттирмайдиган бўлди.
Италияликлар ЖЧ-2026 йўлланмаси учун кечган плей-офф финалида Босния ва Герцеговина терма жамоасига пенальтилар сериясида имкониятни бой бериб, муваффақиятсизликка учрадилар. Sky Sport нашрининг хабар беришича, барча маълумотлар Гаттузо ва Буффон яқин орада ўз лавозимларини тарк этишини кўрсатмоқда.
«Скуадра адзурра» қаторасига учинчи мундиалда иштирок этмайдиган бўлди. Женнаро Гаттузо ўтган йилнинг ёзида жамоани қабул қилиб олган эди — унинг қўл остида жамоа саралаш гуруҳида Норвегияни қувиб ўта олмади ва шу сабабли ўтиш ўйинларида иштирок этишга мажбур бўлди.
