«Ливерпуль» ва Аргентина терма жамоаси ярим ҳимоячиси Алексис Мак Аллистер ўтган йилги жароҳатидан сўнг ўз соғлиғи ва тикланиш жараёнига бўлган муносабати қандай ўзгаргани ҳақида сўзлаб берди.
«Биз Премьер-лигада ғолиб чиқдик, бу ажойиб эди. Аммо мавсум якунига келиб мен кучли оғриқларни ҳис қилардим ва ўзимни ёмон сезардим. Ҳатто мавсумлараро йиғинлар бошланганда ҳам ҳали тўлиқ тикланиб улгурмагандим», — дейди футболчи.
Алексиснинг таъкидлашича, қизининг дунёга келиши унинг ҳаёт тарзини ўзгартиришга ундаган:
«Қизим туғилгач, унинг ёнида бўлиш учун кўпроқ энергияга эга бўлишни ва ўзимни яхшироқ ҳис қилишни истадим. Шундан сўнг танамга кўпроқ қулоқ сола бошладим».
Эндиликда аргентиналик юлдуз тикланиш учун замонавий воситалардан фойдаланмоқда:
-
Қизил нур панели: Бу мослама шамоллашни камайтиришга ва танада энергия ишлаб чиқаришни кучайтиришга ёрдам беради.
-
Мелатонин назорати: «Кеч тушганда тана табиий равишда мелатонин ишлаб чиқаришни бошлайди. Аммо уйда чироқлар жуда ёрқин бўлса, бу жараён тўхтаб қолиши мумкин. Қизил чироқ эса уйқу сифатини яхшилашга хизмат қилади».
-
Махсус ботинкалар: Жисмоний ҳолатни меъёрда ушлаб туриш учун қўшимча восита.
Макаллистернинг айтишича, ушбу кичик деталлар унга нафақат майдонда, балки ҳаётда ҳам катта куч бағишламоқда.
