Лиссабоннинг «Спортинг» клуби чап қанот ҳимоячиси Максимилиано Араухо «Ювентус»нинг қизиқишлари доирасига тушди.
Журналист Экрем Конурнинг хабар беришича, «кекса синьора» вакиллари латералнинг «Спортинг» ва Уругвай терма жамоасидаги иштирокини кузатиб боришмоқда. 26 ёшли футболчида «Барселона» ва Европанинг бошқа грандлари билан номи тилга олинаётган Андреа Камбьяcонинг эҳтимолий ўринбосарини кўришмоқда.
Transfermarkt сайтида Максимилиано Араухонинг баҳоланган қиймати 25 млн еврони ташкил этади. Футболчи жорий мавсумда лиссабонликлар сафида 35 та ўйинда майдонга тушиб, ўз ҳисобига олтита гол ва тўртта голли узатмани ёздириб қўйди.
